3.ATAZA

Hona hemen 3.atazari erantzuten dion bideoa ikusteko lotura.

2. ATAZA

Hemen daukazue bigarren atazari erantzuten dion bideoa.

1. ATAZA

Honako hauek dira nire ustetan kazetari euskaldun bati, bere lanerako erabilgarri suertatuko zaizkion sei web orrialdeak.



http://www.wikipedia.org/

Flickr, munduan argazkiekin lan egiteko dagoen baliabide egokiena dela esan daiteke.
Web orrialde honek behar ditugun argazkiak lortzeko aukera ematen digu; eta era berean, guk geureak bertara igotzeko ere bai. Argazkia zein lekutan atera zen jakiteko aukera ere ematen du eta honela, mapa antzeko batzuk sortzen dira.



http://www.vocento.com/

Vocentoren orrialdea, komunikazio talde batek izan duen lehen interneteko orrialdea izan da. Komunikazio talde handi bat da Vocento, eta aukera ugari eskaintzen ditu bere orrialdeak.
Taldea bera osatzen duten prentsako egunkarien orrialdeak bisitatzeko aukera ere ematen digu; berdina gertatzen da Vocento taldeko aldizkariekin, telebista nazional eta autonomikoekin eta irratiekin.
Kazetari batentzat interesgarria iruditzen zait, izan ere, komunikazio talde honen baitan, komunikabide asko daude, eta nahiz gehienek eskema bera jarraitu, aberatsa izan daiteke informazioa aldaratzeko orduan.



http://www.erabili.com/

Azpeitiko Euskara Patronatuak kudeatutako orrialdea da honakoa. Euskararen inguruan lan ugari egiten du, eta batez ere bertan aurki dezakegun hiztegi sortarengatik iruditzen zait beharrezkoa.
Sarri kazetari batek informazioa hizkuntza batean jaso, eta bestean eman beharra izaten du, eta horrelakoetan ohikoa da hitz baten itzulpenarekin arazoak izatea. Hain zuzen ere, euskal kazetari batek jasoko duen informazioaren zati handi bat gaztelaniaz jasoko du, eta horretarako, bere lanean arazorik izan ez dezan, oso erabilgarria iruditzen zait une oro, gure PCan, hemen eskaintzen zaigun aukera izatea; Elhuyar fundazioaren hitzak itzultzeko hiztegia.



http://www.efe.com/

EFE, Espainiar estatuko lehenengo albiste agentzia da eta munduko laugarrena. Honek, edozein albiste agentziaren lana betetzen du baina daukan prestigioa ez da edonola lortutakoa, eta lan zabala egiten du inguru guztietan. 70 urte baino gehiago dituen espresa da eta langile mordoa ditu une honetan, buru belarri albiste, argazki, bideo edo dena delakoak lortzeko saiakeran.
Argazkiak, testuak, multimedia (audio eta bideoak) eta erreportajeak biltzen dituzte gero komunikabideei saldu ahal izateko.
Kazetari bat une oro informatua izateko beste aukera bat eskaintzen digu honek, eta horrez gain, behar izanez gero, albiste baten inguruko testu bat, edo eta argazki bat erosteko aukera.



http://www.berria.info/

Berria, euskara hutsean argitaratzen den egunkariaren web orrialdea da honako hau.
Azken berriak modu digitalean, eta paperezko edizioa modu digitalean irakurtzeko aukeraz gain, badu Eztabaidagunea deritzon beste atal bat ere. Bertan, gaurkotasuna duten gaien inguruko foroa zabaltzen dute, eta edonork bere iritzia emateko baliabidea da.
Bestetik, badira Berriak bere irakurleen esku lagatzen dituen hainbat blog. Hain zuzen ere, denerako gaiak jorratzen diren blogak, eta zuzen zuzenean, irakurtzeko moduan jartzen direnak.
Azkenik, Berriak azken aldian oso modan jarri diren RSS jarioak jartzen ditu irakurlearen esku. Une oro informatua egon gaitezen.



http://www.download.com/

Web orrialde honekin internetetik gure ordenadorerako programak jaitsi ditzakegu.
Jakinekoa baita, egun, kazetari batek ordenadore bidez egin behar duela lan, eta hortaz, bere lana ahalik eta ondoen betetzeko programa egokiak behar ditu.
Hortaz, hemen punta-puntako baliabideak izango ditugu eskuragarri.